غداة هوى خالي
خالي جْهيمِلْ سقط عن الكديش فانصدعتْ رجله، واضطر أن يرقد في الفراش.
وخالي مَلول، حوصلته ضيقة كما يقولون، سرعان ما يضجر وسرعان ما يغضب.
رقدة الفراش قيدتْ حركته، وزادتْ في نفسه الغضبَ، والملالة، والحنق.
انتشرَ خبرُ سقوطه، وجاء بعضهم يعودُهُ ويطمئن عليه...
سألوه: خير انشالله شو صار معك؟
فحكى لهم قصة سقوطه عن الكديش عند رُقة المقرونين، غربي مَطخ السَّرْج.
انصرفَ الوفدُ الأول، وجاء وفدٌ ثان وسأله:
ــ خير انشالله شو صار معك؟
فأعاد على مسامعهم قصة سقوطه.
انصرفَ الوفد الثاني فجاء صهرُه مزعل وسأله:
ــ خير انشالله شو صار معك؟
فحكى له الحكاية وهو يبلع ريقه بامتعاض.
ذهبَ مزعل فجاءت أم ضياء وسألتْهُ:
خير انشالله شو صار معك؟
فأعاد لها القصة ودمُه يكاد يفور.
وما إن قالت: سلامتك، ونهضتْ عائدة ً إلى بيتها، حتى أخذ خالي قلمًا وورقة، وكتبَ قصة سقوطه، وكيف ازرقّ كاحلاه، وتورَّما.
صار إذا زاره أحدٌ وسأله:
ــ خير انشالله شو صار معك؟
يعطيه القصة المكتوبة.
ملقط غسيل
كانت تمدُّ ذراعيها فوق حبل الغسيل في فناء الدار، وكنتُ واقفًا في الزقاق أمام بيتها. قلت لها:
"عندي مقلاع من وبْر ناقة بيضاء. غدًا سأذهب كي أذود عن الله.
يعني هادول تبع حزب الرب، وهادوك تبع أنصار المولى أحسن مني؟".
سَحبت الملقط الخشبي الصغير من فمها وقالت:
الخالق لا يحتاجُ مقلاع َمخلوقه. تاع شْراب قهوي.
تلاشتْ حماستي لفكرتي: شعرتُ أنها أحبطتني، فقلتُ حانقًا:
ما بدّي اشرب قهوي!
قالت: شوباك أستاذ فرحان؟ عمْ امزح معك... فوت فوت.
ثم أخذتْ سلة البلاستيك الزرقاء، الفارغة، واتجهتْ إلى باب البيت.
وإذ لاحظتْ أنني ما زلت واقفًا مكاني، استدارت، نظرتْ في عينيَّ وقالت:
شو يعني؟ بدَّك عزيمي؟ الحقني. أنا نهلا، بنت الشيخ صافي.
آيس كريم
إنتي بتكرهي الصيف كمان، مو بس الشتي.
بالصيف بيركضوا الأولاد يشتروا بوظة. ابنك ما معو مصاري.
ابنك ما بيركض معهن. ابنك بيوقف بعيد. بيوقف ل حالو.
واليوم عيد ميلادو. صرتي تتذكري حياتك السابقة، بالجيل الماضي يعني
لما كان عندك ولد. ويركضوا الأولاد يشتروا بوظة. وابنك ما كان معو مصاري.
ابنك ما كان يركض معهن. كان يوقف بعيد. يوقف ل حالو.
وكان عيد ميلادو وما انعاد عليكي.
إنتي هلق بالغرفة الرطبة بالقبو. إنتي وابنك، واليوم عيد ميلادو.
يمكن ينعاد عليكي.
وإذا ما انعاد عليكي، ابنك رحْ يكبر ويتجوز ويصير عندو ولد
ويركضوا الأولاد يشتروا بوظة، وابنو ما معو مصاري
ابنو ما رح يركض معهن. ابنو رح يوقف بعيد. يوقف ل حالو
انشالله ما بْ ينعاد عليكي.
*كاتب سوري.
خالي جْهيمِلْ سقط عن الكديش فانصدعتْ رجله، واضطر أن يرقد في الفراش.
وخالي مَلول، حوصلته ضيقة كما يقولون، سرعان ما يضجر وسرعان ما يغضب.
رقدة الفراش قيدتْ حركته، وزادتْ في نفسه الغضبَ، والملالة، والحنق.
انتشرَ خبرُ سقوطه، وجاء بعضهم يعودُهُ ويطمئن عليه...
سألوه: خير انشالله شو صار معك؟
فحكى لهم قصة سقوطه عن الكديش عند رُقة المقرونين، غربي مَطخ السَّرْج.
انصرفَ الوفدُ الأول، وجاء وفدٌ ثان وسأله:
ــ خير انشالله شو صار معك؟
فأعاد على مسامعهم قصة سقوطه.
انصرفَ الوفد الثاني فجاء صهرُه مزعل وسأله:
ــ خير انشالله شو صار معك؟
فحكى له الحكاية وهو يبلع ريقه بامتعاض.
ذهبَ مزعل فجاءت أم ضياء وسألتْهُ:
خير انشالله شو صار معك؟
فأعاد لها القصة ودمُه يكاد يفور.
وما إن قالت: سلامتك، ونهضتْ عائدة ً إلى بيتها، حتى أخذ خالي قلمًا وورقة، وكتبَ قصة سقوطه، وكيف ازرقّ كاحلاه، وتورَّما.
صار إذا زاره أحدٌ وسأله:
ــ خير انشالله شو صار معك؟
يعطيه القصة المكتوبة.
ملقط غسيل
كانت تمدُّ ذراعيها فوق حبل الغسيل في فناء الدار، وكنتُ واقفًا في الزقاق أمام بيتها. قلت لها:
"عندي مقلاع من وبْر ناقة بيضاء. غدًا سأذهب كي أذود عن الله.
يعني هادول تبع حزب الرب، وهادوك تبع أنصار المولى أحسن مني؟".
سَحبت الملقط الخشبي الصغير من فمها وقالت:
الخالق لا يحتاجُ مقلاع َمخلوقه. تاع شْراب قهوي.
تلاشتْ حماستي لفكرتي: شعرتُ أنها أحبطتني، فقلتُ حانقًا:
ما بدّي اشرب قهوي!
قالت: شوباك أستاذ فرحان؟ عمْ امزح معك... فوت فوت.
ثم أخذتْ سلة البلاستيك الزرقاء، الفارغة، واتجهتْ إلى باب البيت.
وإذ لاحظتْ أنني ما زلت واقفًا مكاني، استدارت، نظرتْ في عينيَّ وقالت:
شو يعني؟ بدَّك عزيمي؟ الحقني. أنا نهلا، بنت الشيخ صافي.
آيس كريم
إنتي بتكرهي الصيف كمان، مو بس الشتي.
بالصيف بيركضوا الأولاد يشتروا بوظة. ابنك ما معو مصاري.
ابنك ما بيركض معهن. ابنك بيوقف بعيد. بيوقف ل حالو.
واليوم عيد ميلادو. صرتي تتذكري حياتك السابقة، بالجيل الماضي يعني
لما كان عندك ولد. ويركضوا الأولاد يشتروا بوظة. وابنك ما كان معو مصاري.
ابنك ما كان يركض معهن. كان يوقف بعيد. يوقف ل حالو.
وكان عيد ميلادو وما انعاد عليكي.
إنتي هلق بالغرفة الرطبة بالقبو. إنتي وابنك، واليوم عيد ميلادو.
يمكن ينعاد عليكي.
وإذا ما انعاد عليكي، ابنك رحْ يكبر ويتجوز ويصير عندو ولد
ويركضوا الأولاد يشتروا بوظة، وابنو ما معو مصاري
ابنو ما رح يركض معهن. ابنو رح يوقف بعيد. يوقف ل حالو
انشالله ما بْ ينعاد عليكي.
*كاتب سوري.
تحميل المقال التالي...